शिव-पार्वतीको मूर्ति चोरी

मध्यपुर, थिमी, (नेस), भक्तपुरको बागेश्वरी गाविसस्थित प्राचीन अर्धनाटेश्वर महादेव मन्दिरबाट पत्थरको शिव-पार्वतीको मूर्ति आइतबार राति चोरी भएको छ।

अर्धनाटेश्वरको रूपमा परापूर्वकालमा स्थानीय बासिन्दाले स्थापित गरेको भगवान् शंकर र देवी पार्वती जोडिएको मूल्यवान् मूर्ति चोरी भएको र मन्दिरमा रहेका अन्य मूर्ति पनि चोर्ने प्रयत्न भएको तर चोरी हुनबाट बचेको खरिपाटी प्रहरीले जानकारी दिएको छ।

ऐतिहासिक र पुरातात्विक हिसाबले अति महत्त्वपूर्ण मानिने भक्तपुरमा रहेको प्राचीन कला र मूर्तिहरू पछिल्ला दिनमा चोरी हुने क्रम तीव्र रूपमा बढेर गएको पाइएको छ।