खोलाले बगाउँदा बालिकासहित दुई बेपत्ता

छाम , भाद्र १० - खोलाले बगाउँदा एक बालिकासहित दुई बेपत्ता भएका छन् ।

एक सातासम्मको अविरल वर्षापछि कुइका खोलामा आएको बाढीले बगाउँदा जिल्लाको कुइका गाविस २ की १२ वर्षिया बिनिता उपाध्याय बेपत्ता भएकी हुन् । छिमेकी विनायक गाविसको मष्टामाणु र बाल्देमाणु जात्रा हेरेर घर फर्कने क्रममा खोलाले बगाएको जिल्ला प्रहरी कार्यालय अछामका प्रहरी सहायक निरीक्षक कलम शाहीले जानकारी दिएका छन् । बेपत्ता उपाध्यायको स्थानिय बासिन्दा र प्रहरीले खोजी जारी राखेका छन ।

यसैगरी शेरा गाविस २ का झपटसिंह भण्डारी पनि चाइरा खोलाले बगाउँदा बेपत्ता भएका छन् । अरुलाई खोला तराइरहेका भण्डारीलाई खोलाले बगाएको हो । बेपत्ता भण्डारीको उनका आफन्तहरुले खोजी गरिरहेको अछाम प्रहरीले जनाएको छ ।