ललितपुरमा शिशुको शव भेटियो

सुबिन श्रेष्ठ,ललितपुर, वैशाख ३-ललितपुरको नटोलस्थित खुल्ला मैदानमा आज बिहान एक मृत शिशु फेला परेको छ । मैदानमा खेल्न पुगेका स्थानीय बालकहरुले मृत शिशु देखेका थिए।

सालनालसहित भेटिएको शिशु निकै दिनअघि मरेको देखिएको छ । शिशुको शव गन्हाएको र शरीर सबै कालो छ । 'निकै दिन अघि फ्याँकिएको हुनपर्छ,' त्यहाँ खटिएका प्रहरी सीता मैनाली भने, 'मुचुल्का उठाउन प्रहरी आउँदैछन् । शिशुको शव भेटिएको स्थान नगरपालिकाको अधिनमा रहेको जग्गा हो भने साँझ सो स्थान चाँडै सुनसान हुने गर्दछ ।

लाशको प्रवृति हेर्दा शिशुलाई बोरामा हालेर खाल्डो बनाएर गाडिएको र त्यहाँ चर्ने सुँगुरले निकालेको देखिन्छ ।